Photo: AFP

Иран армиясы дүйсенбі күні Иранның Алборз провинциясында құлаған жүк ұшағы әскери ұшақ екендігін және борттағы 16 адамның 15-інің қаза тапқанын мәлімдеді, деп жазады Reuters ақпарат агенттігі.

«Қырғызстаннан Иранға ет тасымалдайтын Boeing 707 жүк ұшағы бүгін Фаз (Fath) әуежайына апатты жағдайда қонды және бортинженері ауруханаға жеткізілді», - деп жазылған мәлімдемеде.

Әзірге ұшақтың кімге тиесілі екендігі белгісіз. Иранның азаматтық авиациясының өкілі мемлекеттік телеарнаға берген сұхбатында ұшақтың Қырғызстанға тиесілі екенін айтқан. Ал, Қырғызстанның Манас әуежайының өкілі аталған жүк ұшағы Иранның Payam Air компаниясына тиесілі екенін мәлімдеді.

Айта кетейік, бұған дейін Иранның мемлекеттік бұқаралық ақпарат құралдары апатқа ұшыраған ұшақтың бортында 10 адам болғанын хабарлаған еді.

"The Qazaq Times"