Иран СІМ басшысы. Фото: IUVMPRESS.

Иран сыртқы істер министрі АҚШ мемлекеттік хатшысының Иран туралы пікіріне қарсы мәлімдеме жасады. Иран СІМ басшысы Мұхаммед Жевад Зариф Помпеоға қарсы мәлімдемесін «Твиттер» әлеуметтік желісі арқылы жасаған.

Зариф «Твиттер» парақшасына: «АҚШ қай елге киліксе сол елде былықпалық пен қайшылықтар пайда болып келеді. Бірақ, Иран АҚШ ойлағандай күйге түспейді», – деп жазған.

Иран СІМ басшысының бұл мәлімдемесі АҚШ мемлекеттік хатшысының Орта Шығыс сапарында жасаған мәлімдемесіне бағытталған. Помпео Иорданиядағы сапарында: «Иранға тек дипломатиялық қысым ғана емес, сыртқы саудасына да шектеу қоятын боламыз», – деп мәлімдеген.

Помпео аптаның бас шеніндегі Орта Шығыстағы бірнеше елге ресми сапар жасады. Мысыр, Ирак, Иордания қатарлы елдерде жоғары билік өкілдерімен кездесу өткізді. Сарапшылар Помпеоның кезекті сапары АҚШ-тың ортағы шығыстағы белсенділігін бұрынғыдан да арттыра түседі деп бағалауда.

“The Qazaq Times”