фото: euronews.com

Түркия президенті Режеп Тайып Ердоған Сүрияға байланысты Ақ үй Ұлттық Қауіпсіздік кеңесшісі Джон Болтонды айыптады.

«Болтонның Израильге барған сапары кезінде, Түркия Сүрияда күрдтермен күресіп жатыр деген мәлімдемесі жалған. Мұндай көзбояушылықпен ойынағандар, бейбіт қоғамның арасына іріткі салады. Біз бұл жағдайды жауапсыз қалдырмайсыз» деп, Түркия басшысы өз ойын жеткізді.

Сонымен қатар, Анкара Сүриядағы террористермен күресу үшін қажетті қадамдарға барып жатқандығын және барлық діни радикалды ұйымдарды құрту, Анкараның алдындағы міндеті екендігін айтты.

Бұдан бөлек, Ердоған Сүриядағы террорлық ұйымдармен күресті нықтап қолға алатындын және өзге де қарсы келген террорлық діни топтарды да толықтай құртуға дайын екендігін ескертті.

Естеріңізге сала кетейік, осыдан біраз уақыт бұрын Дональд Трамп Сүриядағы ДАЙШ террорлық ұйымының Сүрия аумағынан жойылғандығын мәлімдеп, қалған террорлық ұйымдармен күресті Түркияға қалдырған болатын. Осыдан кейін, АҚШ әскерін Сүрия аумағынан шығаруды бұйырды.