фото: aa.com.tr

Аргентина астанасы Буэнос-Айресте табиғи газ, электр энергиясы мен қоғамдық көлік құнының қымбаттауына байланысты халық наразылық шеруге шықты.

Сонымен бірге бас көтергендердің арасында Аргентина президенті Маурисио Макридің саясатына қарсы шыққандар да бар. Аз қамтылған азаматтардың салық құнын төмендетуге уәде берген президент, әлі күнге дейін уәдесін орындамай келген.

Қазіргі таңда шеруге шыққан Буэнос-Айрес тұрғындары қаланың бірнеше көшелерін жауып тастаған.

Естеріңізге сала кетейік, 2018 жылдың желтоқсанында Аргентина билігі қоғамдық көлік бағасының 40 пайызға, табиғи газдың 35 пайызға және электр энергиясының 55 пайызға қымбаттайтындығын мәлімдеген болатын.

"The Qazaq Times"