Бүгін Иран президенті Хасан Рухани Анкара қаласына барып Түркиядағы ресми сапарын бастайды. Хасан Руханидың кезекті Түркия сапарына ИИР үкіметінің, экономика жетекшілері өкілдерінен құралған делегация тобы серік болады.

Осыдан бұрын Иран президенті еліне сапарлай келген Түркия Ұлттық кеңес төрағасы Йлдырыммен кездесу кезінде Түркиямен барлық салаларда қарым-қатынасты дамыту туралы ниетін аңғартқан болатын.

Хасан Руханидың Түркия сапары 2 күнге жалғасады. Кезекті Анқарадағы (Анкара) кездесуде Түркия президенті Режеп Тайып Ердоған мен Хасан Рухани АҚШ-тың Иранға бағыттаған санкциясы, Сүрия және босқындар мәселесін талқылайды деп күтілуде.

Соңғы жылдары Иран мен Түркия өңірдегі маңызды одақтас ретінде қарым-қатынасты дамыта түсті. Анқара мен Теһран арасында Сүрия мәселесі және өңірдегі қауіпсіздік пен басымдық мәселелерінде ортақ пікір орнаған.

“The Qazaq Times”