Фото: уtimg.com

Украинаның Житомир облысы орыстілді мәдени өнімдерге толықтай тыйым салды. Осыған дейін мұндай тыйым Львов облысында енгізілген.

УНИАН агенттігінің хабарлауынша, ресейлік мәдени саладағы өнімдерден бас тарту туралы актіні облыстағы кеңес депутаттары бір ауыздан қабылдаған. Тыйым актісі бойынша, енді орыстілді бағдарлама, фильмдерді көрсетуге, ақпараттарды жариялауға болмайды. Сондай-ақ ресейлік өнерпаздардың гастрольдік сапармен келуіне де қатаң тыйым салынған. Украина заңына сәйкес, жаңадан қабылданған акт жалпыға ортақ және жергілікті өзін-өзі басқару орындары бірінші кезекте жүзеге асыруы тиіс.

Облыс депутаттарының айтуынша,  «қатаң тыйым» украин тілінің қолданылу аясын кеңейту мақсатында жасалып отыр. «Ресей Украина аумағын басып алудан толықтай бас тартпайынша» аталған акт өз күшін жоймайды.

"The Qazaq Times"