Фото: xakac.info

Ингушетия мен Шешенстан арасындағы әкімшілік шекараны белгілеу туралы келісім заңды  күшіне енді. Келісімге сай енді ек аймақ жер алмасады.

Өткен айда Ингушетия президенті Юнус-Бек Евкуров пен Рамзан Қадыров екі аймақ арасындағы әкімшілік шекараны бекіту туралы келісімге қол қойды. Келісімді ратификациялау үшін 35 депутаттың 17-сі қолдап дауыс берген. Бірақ жергілікті тұрғындар бұл шешімге түбегейлі қарсылық білдіріп, ереуілге шыққан болатын. Наразы топ Ингушетия астанасы Магас қаласында жолды жауып, биліктен шекара мәселесіне қатысты шешімді өзгертуін талап етті. Екі елдің шешіміне жүздеген халық қана емес, конституциялық сот та қарсылық білдірген. Сондай-ақ Ингушетияның экс-президенті Руслан Аушев республика басшылығының Шешенстанмен келісім жасасуда қателік жібергенін мәлімдеді. Ал Ингушетия депутаттары парламент отырысына қатыспағандықтан, келісім уақытша шегерілген.

"The Qazaq Times"