Бейт-Ханун шекара қақпасында қақтығыс болды. Фото: Анадолы.

Палестина Денсаулық сақтау министрлігі жазбаша мәлімдеме жасап, Газа секторы мен Израиль арасындағы Бейт-Ханун шекарасында Израиль әскерлері бейбіт шерудегі палестиналықтарға шабуыл жасағанын айтты. Мәліметке қарағанда Израиль әскерлерінің оғынан бір бала қаза тапқан. Бұл туралы «Анадолы» ақпарат агенттігі хабарлады.

Хабарға қарағанда, Израиль әскерлері шекара қақпасына жақын келген палестиналық ереуілшілерге жасауратқыш газбен тойтарыс берген. Ереуілшілер мен әскерилер арасындағы қақтығыста Израиль қарулылары оқ жаудырған.

Палестиналықтар «Үлкен бұрылыс» шеруі аясында Бейт-Ханун шекара қақпасында ереуіл ұйымдастырған. Аталған, қозғалыс 30 наурыздан бері жалғасып келеді.

“The Qazaq Times”