Фото: politdengi.com

Германия канцлері Ангела Меркель Ресейге қатысты ойынан айнымайтын болды. Осы аптада Вильнюсте Эстония, Литва және Латвия мемлекеттерінің басшыларымен кездесу кезінде ол Мәскеуге салынған санкцияны жұмсартпайтынын айтқан.

Бүгінде Украинада орын алған жағдайлар кез келген мемлект үшін қорғаныс мәселесінің басты орында болу керектігін көрсетті. Кездесу барысында Меркель Ресейге баса тоқталып, Украина территориясын қалпына келтіруге бағытталған келісімдерінің жүзеге аспай отырғанын ескерткен. Сондай-ақ Меркель «Минск келісімі толыққанды орындалмайынша, Мәскеу санкция туралы сөз қозғамай-ақ қойсын» – дейді.

Демек, Ресейдің аталған келісімнен тыс қандай да бір өтініші Меркельдің ойын өзгертпейді.

"The Qazaq Times"