Фото: ИА Regnum

Қытай Африка елдеріне 60 миллиард доллар инвестиция құюға дайын – деп хабарлайды «Неміс толқыны» ақпарат агенттігі.

Қытай басшысы Ши Жиңпиң Бейжің қаласында өткен Қытай және Африка елдері форумында: «Қытай Африка елдеріне 60 миллиард доллар қаржы салуға дайын. Оның 10 миллиарды Африка елдеріне алдағы үш жылда беріледі. Қытай Африка елдеріне инвестиция салғаны үшін қандай да бір саяси талап қоймайды. Бұның артында ешқандай саяси ойын тұрған жоқ» - деп мәлімдеген.

Жергілікті БАҚ өкілдерінің мәліметінше, ресми Бейжің 60 миллиард доллардан бөлек, 1 миллиард юань (шамамен 146 миллион доллар) қаржыны Африка елдерінің ауыл шаруашылық саласына бөлмек және аталмыш қаржыны игеру үшін 500 Қытай маманы жіберіледі. Жалпы, БАҚ беттерінде бұған дейін Қытай билігінің «Бір белдеу – Бір жол» жобасы аясында 8 триллион доллар қаржыны әлемнің 68 еліне құйғандығы жөнінде ақпарат тараған.

"The Qazaq Times"