Үндістанның Керала штатында су тасқыны салдарынан көз жұмғандар саны 445 адамға жетті. 15 адам іздестіріліп жатыр. Бұл туралы South China Morning Post хабарлайды.

Табиғи апат Үндістанның Керала штатында орын алған болатын. Маусым айынан басталған үздіксіз жаңбырдың соңы бұрын-соңды қайталанбаған су тасқыны мен лай көшкініне әкеп соқты. Үндістанда жыл сайын осы мезгілде толастамайтын жаңбыр муссон жауып, су тасиды. Бірақ, бұл соңғы жүз жылдағы ең жойқын су тасқыны болып тіркелген. Апаттың зардабын тартқан Керала тұрғындарына уақытша қоныс ретінде 1300 лагерь ашылған.

Апаттан қираған үйін көрген 69 жастағы ақсақал өз-өзіне қол жұмсаған. Қирандының астында құрал-жабдық, құжаттарының жарамсыз болып қалғанын естіген 19 жастағы бозбала да суицид жасады. Қазір 1 миллионға жуық адам қосымша қонысқа орналастырылған.

Керала штатының министрі Пинарайи Виджаянның твиттердегі мәліметі бойынша, табиғи апаттан 10 мың шақырым жол мен 50 мың үй қираған. Зардап шеккендер саны әлі де артуы мүмкін деген болжам бар.

"The Qazaq Times"