Ауғанстан Мәскеудің келіссөз үстеліне бармайтын болды. Фото: BBC.

Осыдан бұрын Ауғанстанның Сыртқы істер министрлігі 4 қыркүйек күні Мәскеуде өтетін бейбітшілік келіссөзіне қатыспайтынын хабарлаған еді. Іле-шала Талибан күштері де ресми мәлімдеме жасап, Мәскеудегі келіссөзге бармайтынын айтты. Бұл туралы «Анадолы» ақпараттық агенттігі хабарлады.

Ауғанстан Сыртқы істер министрлігінің мәлімдемесінде: «Біз келіссөзге қатыспау туралы шешім қабылдадық. Егер Талибанмен келіссөз жүргізу керек болса оны біз шетелдіктердің қатысуынсыз да жүзеге асырамыз», – деді.

Ауғанстан үкіметінің мәлімдемесінен кейін Талибан жағы да мәлімдеме жасап: «Ресейдің бейбітшілік келіссөзге шақыруын қабылдамаймыз», – десті. Бұған дейін келіссөзге Талибан ұйымының 4 өкілі қатысатыны белгілі болған еді.

Мәскеу жақ Құрама Штатты қамтыған 12 елді келіссөз үстеліне шақырған болатын.

“The Qazaq Times”