Франция мен Ресей 21 шілде күні сүриялық режим арқылы басып алынған аймақтарға гуманитарлық көмек көрсетті, - деп хабарлайды RFI.

Шам қаласына жақын орналасқан Шығыс Гутаға медициналық құрал-жабдықтар мен басқа да көмек түрлері әкелінген. Бұл —Шам бақылауындағы ауданға батыс елдері тарапынан көрсетілген алғашқы көмек болып табылады. Ресей Сүрияның батысындағы ресейлік базаға  44 тонна медициналық құрал-жабдықтар мен өзге де қажетті тиелген «Ан-124» транспорттық ұшақ жіберуде. Париж билігінің хабарлауынша, Франция Ресейден Сүрия режимінің жүктердің жеткізілуіне кедергі жасамайтынына кепілдік алған. Айта кету керек, Франция президенті Эммануэль Макрон бірнеше айдан бері Батысты БҰҰ-ның қолдауымен Сүрияда саяси шешім іздеуге шақыруда.  Ол 27 маусымда елші ретінде Сүриядағы арнайы өкілін тағайындаған болатын.

“The Qazaq Times”