Ауғанстан полициясы. Фото: Анадолы.

Ауғанстанның Кандахар провинциясында Талибан ұйымы құрылыс жұмысшыларын барымталады. Талибан қарулы топтары мен полиция қызметкерлері арасында қақтығыс болып, 4 полицей оққа ұшты. Бұл туралы Ауғанстанның мемлекеттік арналары хабарлады.

Жергілікті әкімшіліктің берген мәліметіне қарағанда, Талибан қарулы тобы Кандахардың Сайн-Булдек ауданындағы жол құрылыс компаниясының жұмысшыларына шабуыл жасап, 13 техникпен бірге 20 жұмысшыны барымталаған.

Жұмысшыларды құтқаруға келген полиция қызметкерлерімен атыста 4 полицей қаза тауып, екі адам жарақат алған. Талибан тарабынан өлгендер мен жараланғандар туралы мәлімет жоқ. Қазір Кандахардағы қауіпсіздік күштері жұмысшыларды құтқару операциясына дайындалып жатыр.

“The Qazaq Times”