Фото: ca-news.org

ҚР Денсаулық сақтау министрлігінің Қоғамдық денсаулық сақтау Комитеті төрағасы Жандарбек Бекшиннің айтуынша, ауызашарға келушілер жылқы еті  мен тәтті наннан уланған. Ет үй жағдайында, санитарлық шаралары сақталмастан дайындалған. Ал, крем мен май қосылған тәтті нан 5 күн бойы тоңазтқышсыз сақталған.

«Сенбі күні үйге 30 адамды ауызашарға шақырған. Алдын ала дайындалған. Ет жасыл тартып,  жағымсыз иіс шығып тұрғанына қарамастан, одан ас пісірген. Крем, жұмыртқа және май қосылған тәтті нан сатып алған да, оны 5 тәулік бойы тоңазтқышсыз сақтаған. Санитарлық шаралары сақталмаған осы ауызашар тағамдары кәмелеттік жасқа толмаған төрт жасөспіріммен қоса, 20 адамның улануына әкеп соқты. Абырой болғанда, уланғандардың бәрі аман қалды», - деді маман.

Еске салайық, Қарағанды облысының денсаулық сақтау басқармасының баспасөз қызметі кешегі ауызашардан 20 адамның уланғанын хабарлаған еді.

“The Qazaq Times”