Фото: liberation.fr

Жексенбі, 27 мамыр күні Израиль ХАМАС күштерінің әрекетіне тосқауыл жасау үшін Зиким жағажайы төңірегінде теңіз бөгетінің құрылысын бастады. Бұл туралы Израильдің Қорғаныс министрі Авигдор Либерман «Twitter» әлеуметтік желісіндегі парақшасында мәлімдеме жасаған.

«Газа шекарасынан Израильге теңіз арқылы өту мүмкіндігіне тосқауыл жасайтын мұндай бөгет басқа еш жерде жоқ», - деген мәлімдемесінде министр. Оның сөзінше, теңіз бөгетінің арқасында ХАМАС күштері өздерінің тағы бір стратегиялық мүмкіндіктерінн айырылды. Израиль Қорғаныс министрлігі таратқан ақпаратқа сәйкес, бөгет құрылысы жыл соңына дейін аяқталмақ. Айта кету керек, теңіз бөгетін салу шешімі 2014 жылы ХАМАС белсенділері Израиль территориясына теңіз арқылы басып кіргеннен кейін қабылданған еді.

“The Qazaq Times”