Жанкешті жарылыс жасаған орын. Фото: Анадолы.

Пәкістан мен Ауғанстан шекарасына орналасқан Куэтта қаласында полиция қызметкерлеріне жанкешті шабуыл болып, 5 полицей қаза тауып, 7 адам жарақат алды. Бұл туралы «Анадолы» ақпараттық агенттігі хабарлады.

Куэтта қаласы Пәкістанның Белужистан автономиялы аймағының орталық қаласы. Полиция тарауларының алдын ала берген мәліметінде, Куэтта қаласындағы шабуылмен қатар сол аймақтың Миан-Гунди жерінде де шекара қорғаушыларға қарулы шабуыл жасалған. Шекара қорғаушы күштер шабуыл жасаушы екі адамды атып өлтірген. Гуэттадағы жанкешті шабуылынан 5 полицей қаза тапқан. Мәліметке қарағанда қаза болғандар саны артуы мүмкін.

Қазір Гуэтта қаласы қауіпсіздік күштері жағынан бақылауға алынды. Аталған аймақта бір айдың ішінде христиан шіркеуіне және қауіпсіздік қызметкерлеріне бірнеше рет қарулы шабуыл жасады.

“The Qazaq Times”