Фото: Kapital.kz

Ауғанстанның Лашкаргах қаласында жарылыс болып, 15 адам қаза тапты. 50-ден астамы жарақат алған, деп хабарлайды 24.kz.

Полицияның мәліметінше, шабуылды жанкешті қаладағы стадионның қасында жасаған. Әзірге терактіні ешқандай лаңкестік топ мойнына алған жоқ.

Айта кетейік, бұдан бұрын наурыздың 21-і күні де Ауғанстан астанасы Кабулда теракт болып, 30-ға жуық адам көз жұмды. Онда беліне бомба байлаған лаңкес мейрамды тойлап жатқан адамдардың арасына кіріп, өзін жарып жіберген.

"The Qazaq Times"