Alibaba Group компаниясының негізін қалаушы Джек Ма. Фото: Mike Segar / Reuters

Alibaba Group компаниясының негізін қалаушы Жек Ма үшінші дүнежүзілік соғысқа себеп болуы мүмкін жағдайларды атады. RNS сайтының мәліметінше, ол Давоста өтіп жатқан экономикалық форумда  "соғыс" кедейлік пен ауруға қарсы болатынын айтқан. 

«Егер үшінші дүниежүзілік соғыс басталса - ол ауруға, қоршаған ортаны ластауға, кедейлікке қарсы бағытталады", - дейді ол.

Оның сөзінше, бірінші дүниежүзілік соғыстың да, екінші дүниежүзілік соғыстың себебі технологиялық революция болған. "Қазіргі уақытта да үшінші технологиялық революция болып жатыр", - деді Жек Ма.

Сондай-ақ, ол жаңа технологиялардың пайда болуы табысты адамдар мен қызықты мамандықтардың көбеюіне ықпал етіп отырғанын, алайда сол жаңа технологиялар үлкен әлеуметтік мәселеге әкеп соғуы мүмкін екенін айтады. Өйткені қазіргі кезде адамдардың жасанды интеллектіге, роботтарға қызығушылығы арта түскен.

“The Qazaq Times”