Фото: Коммерсант.Уз

Өзбекстан Қаржы министрлігінен 50 шенеунік жұмыстан қуылды – деп хабарлайды Kun.uz  интернет газеті.

Жергілікті БАҚ өкілдерінің мәліметінше, жұмыстан қуылған 50 адамның қатарында салық және кеден саясаты департаментінің басшысы Ирина Голышева мен бухалтерлік есеп және аудит департаментінің басшысы Шарофитдин Хайдаров бар. Бұдан бөлек екі бірдей департамент басшысының орынбасары қызметінен босатылған.

Естеріңізге салайық, бұған дейін желтоқсан айының 22-сі күні Шавкат Мирзиеев Қаржы министрі Джамшид Қошқаровқа министрлікті қызметіне салғырт қарайтын адамдардан тазартуды тапсырып, олардың орнына отанын сүйетін жас кадрларды жұмысқа алу керектігін айтқан болатын.

“The Qazaq Times”