Фото: Sputnik Өзбекстан.

Өзбекстан Ресейден 12 тікұшақ сатып алды – деп хабарлайды Sputnik Өзбекстан ақпарат агенттігі.

Жергілікті БАҚ өкілдерінің мәліметінше, Өзбекстан қарулы күштері Ресейден 12 Ми-35 тікұшағын сатып алған. Ресей тарапы тікұшақтарды Өзбекстанға 2018 жылдан бастап тасымалдай бастайды. Аталмыш сауда келісімі РФ премьер-министрі Дмитрий Медведевтің қараша айында Өзбекстанға жасаған ресми іс-сапары кезінде жасалған. Бірақ Ресей әскери-техникалық әріптестік қызметі Өзбекстанға тікұшақ сату жайында ешқандай мәлімдеме жасамаған.

Қазіргі таңда Өзбекстан Ресейден бөлек Түркияменде әскери-техникалық әріптестік орнатқан. Алдағы уақытта Өзбекстан аумағында Түркиямен бірлескен әскери автокөліктер құрастыратын завод ашылмақ.

“The Qazaq Times”