2017 жылдың 23-27 қараша аралығында Америка Құрама Штатының Нью-Йорк қаласында «Жемчужный Нью-Йорк» атты жас әншілердің халықаралық байқауы өтті.

Алматы қаласынан байғауға «Бозторғай» қоғамдық қорының жетекшісі Қарлығаш Әбдікәрімованың«Сенім» вокалды ансамблі қатысты. Ансамбль  жетекшілері Тұрсын Кудерина, Ольга Резиннің қолдауларымен жас әнші таланттары байқауда бірнеше жүлделі орындарға ие болды.

Бас жүлдені Мадина Ахметова (Астана қаласы), Айдана Козыбаева (Алматы қаласы)иеленсе, ал бірінші орынды Ұласбек Амирканов (Алматы қаласы) иеленді. Сондай-ақ, екінші орын кішкентай Адина Даниалова(Алматы)алды.

АҚШ-тың Нью-Йорк қаласында өткен бұл байқауды ұйымдастырушы Прагма АРТ тобы. Топтың Президенті Кетрин Мэри. Байқауға қатысушы жас әнші таланттардың қуаныштарында шек жоқ әрі әншілердің бас жүлде мен 1-ші және 2-ші орынды иеленуі нұр үстіне нұр болып отыр.

“The Qazaq Times”