Фото: belta.by

Қазақстанмен арадағы шекара дауына байланысты Қырғызстан өз бюджетін қайта қарамақ.

Қырғызстан Қаржы министрлігі қоғаммен байланыс бөлімінің басшысы Гүлмира Түгелбаеваның сөзінше, қазақ-қырғыз шекарасындағы дауға байланысты Қырғызстан бюджетіне тиісті қаржы түспеуі мүмкін. Сол себепті ел бюджеті қайта қаралмақ.

Бұған дейін қырғызстандық БАҚ беттерінде Қазақстан шекарасының күшейтілген режимге көшуіне байланысты ел бюджеті 400-500 миллион сомнан айырылуы мүмкін деген ақпарат жарияланған болатын. Бірақ Гүлмира Түгелбаева журналистер алдында сөйлеген сөзінде бұл мәліметтердің шындыққа жанаспайтынын айтып, аталмыш мәселе бойынша қазіргі таңда Қаржы министрлігі жұмыс істеп жатқандығын жеткізген.

“The Qazaq Times”