Ұлыбританияның жаңа қорғаныс министрі. Фото: British Defense Ministe.

Ұлыбританияның Қорғаныс министрлігінде елеулі өзгерістер болды. Бұрынғы қорғаныс министрі Майкл Фэллон отставкаға кеткеннен кейін, оның орнына Гэвин Вильямсон келіп отырды. Бұл туралы BBC онлайн қызметі хабарлады.

Бұрынғы қорғаныс министрі Майкл Фэллонның атына жыныстық зорлық-зомбылық туралы шағымдар түскеннен кейін, ағылшын үкіметі оны отставкаға жіберді. Парламенттің жедел отырысынан кейін қорғаныс саласындағы маңызды орынға консерваторлар арасынан Вильямсонды осы міндетке лайық деп тапқан.

Экс-министр Майкл Фэллон мен бірге алты министрдің жыныстық зорлық-зомбылыққа қатысты айыбы туралы сол елдің «The Sun» басылымында жария болған еді. Дегенмен бұл мәліметтің шын-жалғаны анықталмаған.  Айыптаудан кейін ол отставкаға кетті.

“The Qazaq Times”