С-400 әуе қорғаныс жүйесі. Фото: WarAn Project

Ресей Түркияға С-400 әуе қорғаныс жүйесін құрастыру технологияларын бермейтін болды - деп хабарлайды Интерфакс ақпарат агенттігі.

Ресей президентінің әскери-техникалық әріптестік жөніндегі кеңесшісі Владимир Кожин журналистер алдында сөйлеген сөзінде: «Түркия қазіргі таңда С-400 құрылғысын сатып алуға байланысты алдын ала жарнасын төлеп қойды. Анкарамен арадағы келісім өз күшіне енді. Бірақ С-400 әуе қорғаныс жүйесін құрастыру технологияларын Түркияға беруге байланысты келіссөздер жүргізіліп жатқан жоқ» - деген.

Естеріңізге салайық, бұған дейін Түрия Ресейден құны 2,5 млрд долларды құрайтын С-400 әуе қорғаныс жүйесін сатып алады және өзі құрастырады деген ақпарат тараған.

“The Qazaq Times”