Фото: MilitaryArms.ru

Ресей құрлықаралық баллистикалық зымыранын сынақтан өткізді - деп хабарлайды РФ Қорғаныс министрлігінің баспасөз қызметі.

Ресей қарулы күштері Астрахан облысындағы "Капустин Яр" сынақ алаңынан «Тополь» РС-12М құрлықаралық зымыранын ұшырған. Бұл жолғы сынақтың басты мақсаты «Тополь» зымыранының дайындығын тексеру болған.  РФ Қорғаныс министрлігінің мәліметі бойынша,  «Тополь» РС-12М зымыраны сынақтан сәтті өткен.

Естеріңізге салайық, бұған дейін Ресей дәл осы "Капустин Яр" сынақ алаңынан «Ескендір-М» баллистикалық зымыранын Қазақстанның "Мақат" полигонына қарата атқан болатын.

“The Qazaq Times”