Осымен екінші рет өткізіліп отырған қазақ күресі спорт түрінен «Әлем барысы» халықаралық турнирі 8 қыркүйек күні кеште өз мәресіне жетті. Финалдық кездесуде отандасымыз Айбек Нұғымаров грузин балуанын жеңіп, «Әлем барысы» атанды. Бұл туралы vesti.kz сайты жазған болатын. 

Грузин балуаны Гурам Тушишвили финалда Айбек Нұғымаровқа жеңісті беріп, екінші орынды иеленді. Қола жүлдеге таласта Моңғолия елінің өкілі қандас бауырымыз Серік Бердімұрат пен отандасымыз Ержан Шынкеев күш сынасып, жерлесімізге қолда жүлде бұйырды.

Шешуші мәреде екі бірдей көк байрақ биікке көтеріліп, қазақ күресінің отаны ретінде жеңісті өз елімізде қалдырдық.

“The Qazaq Times”