Германия канцлері Ангела Меркель. Фото: life.ru.

Германия үкіметі Сүрия президенті Башар Асад режимінің ел ойлағаннан әлде қайда бекем екенін мойындады деп хабарлайды «Түрік Теле-Радио» қызметінің ресми сайты.

Германия канцлері Ангела Меркель өз сөзінде Сүрия дағдарысын саяси жолмен оңды шешуді қуаттай келе: «Батыс Таяу-Шығыста өзіне барынша тиімді болған гегемонияны орнатқысы келеді. Алайда Ресей мен Сүрияның қазіргі билігі оған қарсы әрекет жасауда», – деген.

Германия билік тізгінін ұстаған Ангела Меркель Сүрия дағдарысында көптен бері саяси жолмен шешуді қолдап келеді. Ол кезекті сөзінде: «Сүрияның бұл президентінің билігі мен ойлағаннан да берік екен», – деп, қазіргі Башар Асадтың қасарысқан саясатына шарасыздығын да айта кеткен.

“The Qazaq Times”