Фото: ИА Regnum

Ресми Пиоңяң (Пхеньян) АҚШ-тың Ресей, Иран және Солтүстік Кореяға салған жаңа санкцияларын «қылмыс» деп атады.

АҚШ президенті Дональд Трамп жоғарыда аталған үш мемлекетке жаңа санкциялар салуға байланысты заңға қол қойғаннан кейін. Солтүстік Корея Сыртқы істер министрлігі: «АҚШ-тың бұл әрекеті Біріккен Ұлттар Ұйымының қарары мен халықаралық құқықтарға қарсы жасалған қадам. КХДР АҚШ тарапынан жасалған барлық санкцияларға өз қарсылығын білдіреді және өзге мемлекеттерде АҚШ-тың заңсыз әрекеттері жайында ойлануы тиіс» - деген мәлімдеме таратқан.

Бұдан бөлек Солтүстік Корея Сыртқы істер министрлігі АҚШ-тың салған санкциялары Пиоңяңның зымыран сынағын өткізуіне кедергі жасай алмайтынын. Керсінше АҚШ-тың осындай әрекеттерінен кейін КХДР өз қорғанысын күшейту үшін алдағы уақыттада зымыран сынақтарын өткізе беретінін хабарлаған.

Естеріңізге салайық, шілденің 28-29 қараған түні Солтүстік Корея өзінің кезекті баллистикалық зымыранын сынақтан өткізген болатын.

“The Qazaq Times”