АҚШ вице президенті Майк Пенс. Фото: The Wall Street Journal.

АҚШ вице-президенті Майк Пенс Солтүстік Корея ядролық бағдарламасын ауыздықтау үшін елдің ең жоғары басшысы Ким Жоң Унмен (Kim Jong Un) тікелей диалог өткізу идеясын қабылдамады. Ол АҚШ бірінші кезекте экономикалық және дипломатиялық қысым көрсетуге ұмтылады деді. Бұл туралы «The Wall Street Journal» басылымы хабарлайды.

Майк Пенстің айтуынша, АҚШ Солтүстік Кореямен тікелей келіссөзге келмейді. Ядролық бағдарламасын тізгіндеу үшін ең алдығы шара қысымды арттыру деп қарайды. Оған қосымша Қытайдың рөлінде көбірек пайдаланбақ. АҚШ вице-президенті сөзінде: «АҚШ әскери күш қолдану мүмкіндігін жоққа шығармайды. Біз барлық параметрлерді қарастырып отырмыз», – деді.

Майк Пенс Эстония, Грузия және Черногория елдеріне АҚШ әуе күштерінің ұшағымен сапарлап қайтқанда осындай шешім жасаса керек. Трамп та Солтүстік Кореяны экономикалық және дипломатиялық оқшаулауды айтып келеді. Алайда, Трамп ең бірінші Қытай арқылы КХДР билігін келісімге шақыруды насихаттайды. Трамп үкіметі үшін санкция салу ең басты құрал. Алайда оның жағдайды дұрыс жаққа бұруға кері әсері көбірек тигелі тұр.

“The Qazaq Times”