«Ан-Нусра шебі» террорлық тобы Дамаск қаласында орналасқан Ресей елшілігін бомбалады деп хабарлады РФ СІМ баспасөз қызметі.

Министрліктің мәліметінше, террористер Сүрия астанасы Дамаск қаласында орналасқан Ресей елшілігін «Ан-Нусра шебі» лаңкестік тобына тиесілі аумақтан минометпен атқылаған. Абырой болғанда ешкім зардап шекпеген.

РФ СІМ Ресей елшілігіне лаңкестер тарапынан жасалған бұл шабуылды қатаң сынға алып, бұл оқиғаға қарамастан Ресей Федерациясы алдағы уақытта да Сүрия аумағында терроризммен күресін жалғастыра беретінін мәлімдеген.

Ресей Федерациясының  Дамаскідегі елшілігіне бұған дейін де бірнеше рет террористік шабуыл жасалған болатын.

“The Qazaq Times”