Фото: tickets.expo2017astana.com

«Астана ЭКСПО-2017» көрмесіне сатылған жалған билеттерге байланысты тексеру жұмыстары басталды.

«Қазпочта» ұлттық почта операторлар желісінің баспасөз хатшысы Сәуле Мұқашеваның айтуынша, тексеру барысында жалған билеттерді сату фактісі тек Шымкент қаласы бойынша ғана анықталған болатын.

Қазіргі таңда «Астана ЭКСПО-2017» көрмесін ұйымдастырушылары мен Астана қаласы ІІД бірігіп бұл іс бойынша тексеру жұмыстарын бастаған.

«Қазпочта» мәліметі бойынша «Астана ЭКСПО-2017» көрмесі аясында Оңтүстік Қазақстан облысы бойынша 8800 билет сатылған. Жалған билеттер Шымкент қаласы әкімшілігі мен қалалық білім басқармасы таратқан билеттер ішінде де болған екен.

“The Qazaq Times”