Фото: GreatDaily

Филиппин қауіпсіздік қызметі ел аумағында соғысып жүрген «Ислам мемлекеті» лаңкестік ұйымының жақтастарына қарсы өткізген арнай операция кезінде 79 миллион Филиппин песосы (1,5 миллион доллар) тәркіленді.

Филиппин біріккен арнайы жасақ тобының өкілі подполковник Джо-Ар Херрераның (Jo-Ar Herrera) айтуынша, арнайы операция кезінде Мапанди (Mapandi) аумағындағы үйленрдің бірінен 52 миллион песо ақшалай, 27 миллион песо чек түрінде табылған.

Джо-Ар Херрераның (Jo-Ar Herrera) мәліметінше Филиппин аумағындағы террористік топтарды халықаралық лаңкестік ұйымдар қаржыландырады. Бірақ әзірге табылған 1,5 миллион долларды ел аумағына кім, қалай, алып келгендігі белгісіз.

Мапандидегі (Mapandi) арнайы операция кезінде 120 лаңкестік көзі жойылған, 38 бейбіт тұрғынмен 38 арнайы жасақ сарбазы көз жұмған.

“The Qazaq Times”