НАТО жаңа барлау басқармасын құрды деп хабарлайды Интерфакс Украина ақпарат көзі.

«Біз құрып жатқан жаңа барлау басқармасының басты мақсаты терроризммен күресу және НАТО-дан тыс елдердегі лаңкестер жайында ақпарат жинау. » деді НАТО басшысы Йенс Столенберг Бюссельде өткен брифингта.

Бұдан бөлек Столенберг соңғы уақытта НАТО-ның шығыс европада белсенді болуының себебін Ресейдің Украинадағы арандату әрекеттерінің жиілеп кетуімен байланысты екендігін айтқан.

Бүгін Бельгия астанасы Брюссельде НАТО басшылары мен АҚШ президенті Дональд Трамп кездескен болатын.

Ал мамырдың 26 мен маусымның 16 күндері аралығында НАТО Румыния, Болгария, Греция елдері аумағында "Noble Jump 2017" әскери оқу-жаттығу жұмыстарын өткізбек.

"The Qazaq Times"