Фото: UA-Football

Испанияда Барселона футбол клубының бұрынғы президенті Сандро Россель ұсталды деп жазады El Pais газеті.

El Pais газетінің мәліметінше Испания полициясы мен ұлттық гвардиясы Сандро Россельді аса ірі көлемдегі қаржы жасырды деген күдікпен ұстаған.

Қазіргі таңда Испания полициясы мен гвардиясы бірлесіп Каталония мен Андорра автономиясында заңсыз қаражат жасырған топтарға қарсы операция жүргізіп жатыр.

Бұдан бөлек бұл қылмыстық іске Бразилияның футбол конфедерациясының бұрынғы басшысы Рикардо Тишейраныңда қатысы болуы мүмкін деген ақпарат тараған.

Сандро Россель 2010-2014 жылдары аралығында Барселона футбол клубының  президенті болып қызмет атқарған.

"The Qazaq Times"