Францияның жас президенті Макрон Германия канцлеріне кездесті. Фото: The Wall Street Journal.

Францияның жаңа президенті Эммануэль Макрон кеше түстен бұрын ресми президент болып тағайындалды және бірден қызметке кірісті. Ол президент ретінде алғашқы жұмысын үкімет басшысын тағайындаудан бастады. Макрон премьер-министр етіп Эдуард Филиппті (Edouard Philippe) белгіледі. Бұл туралы «The Wall Street Journal» басылымы хабарлап отыр.

Кеше түстен бұрын ресми қызметке тағайындалған Эммануэль Макрон бірден президенттік қарбалас жұмысына кірісіп кетті. Ол осыған дейін Республикашылдар партиясында маңызды қызмет етіп келген Эдуард Филиппті өзінің премьер-министрі етіп белгіледі. Келесі айдағы парламат сайлауына дейін ол бұрынғы саяси партия өкілдерін өз жағына тартуға тырысады. Ол өзінің жаңа партия құрамын толықтыруда. Францияның кейбір қоғамдық саяси партиялары әлдеқашан Макронның жаңа партиясының кандидаттығын қолдап отыр. Алайда, Республикашылдар партиясы әлі де толықтай келісім бермеді.

Үкімет басшысын тағайындай салысымен Макрон шетелге сапарын бастады. Ол Берлинге мемлекеттік сапармен барып, Германия канцлері Ангела Меркельмен кездесті. Екеуі ара жылы лебізде пікірлесіп, ЕО-ның жаңа шартын жасау, Еуропалық одақты нығайту турасында кеңес өткізді. Германия канцлері Макронмен бірлесе отырып жаңа әрі кеңейтілген екі жақты келісімдерді дамытатындығын, екі ел өкілдері маусым айындағы Франциядағы парламент сайлауынан кейін жоғары деңгейдегі келіссөз отырысында жүздесетінін айтты.

“The Qazaq Times”