АҚШ президенті Дональд Трамп коронавирус пандемиясына байланысты елдегі иммиграцияны уақытша тоқтататынын мәлімдеді.

«Көрінбейтін жаудың шабуылына төтеп беру үшін, сондай-ақ жұмыс орындарын қорғау мақсатында мен иммиграцияны уақытша тоқтата тұру туралы жарлыққа қол қоямын» — деп жазды Уашингтон әкімшілігінің басшысы өзінің твиттерінде. Америка президенті бұдан басқа ешқандай мәлімет берген жоқ.

Дүниежүзілік денсаулық сақтау ұйымы және Джонс Хопкинс университетінің мәліметтері бойынша, АҚШ-та коронавирустық инфекцияның 786 мыңнан астам жағдайы тіркелген. 42 мыңнан астам адам қайтыс болған.

"The Qazaq Times"