Фото: AFP

Түркия өмір бойы Еуроодақ шешімін күтіп жүрмейді. ЕО Түркияны өз құрамына қабылдау немесе қабылдамау жайында шешім шығармаса, біз  дамудың басқа жолын қарастырамыз деді Түркия президенті Режеп Тайып Ердоған Reuter  агенттігіне берген сұхбатында.

Және ол: Біз әліде болса Еуроодақпен келіссөз жүргізуге дайынбыз. Осы уақытқа дейін Түркия олардың қойған талаптарының барлығын орындады бірақ, ЕО түрік мемлекетін әлі  есігінен кіргізбей отыр. Біз бұл шешімді 54 жыл бойы күтіп келеміз деді.

1963 жыл Анкара келісімінде Түркияны Еуроодаққа қабылдау жөнінде ЕО мен Түркия арасында келіссөздер жүргізілген болатын. Содан бері Еуроодақ Түркияны өз құрамына алмай келеді.

Бүгін еуропарламент Түркия мен ЕО арасындағы қарым-қатынас жайындағы құжатты қарайды деп күтілуде.

The Qazaq Times