2025 жылы Қытай мен Ресей дипломатиялық майданда айрықша белсенділік танытып отыр. Тян Жиңде өткен Шанхай Ынтымақтастық Ұйымының (ШОС) саммиті – соның айқын көрінісі. Бұл жиында жаңа геосаяси векторлар қалыптасып жатыр.

Қытай, Ресей және Иран басшылары аймақтық қауіпсіздік, сауда, энергетика және валюта жүйесін талқылады. Қытай Таяу Шығыста бейтарап делдал ретінде өз рөлін арттыруда. Сауд Арабиясы мен Иран арасындағы дипломатиялық қатынастарды қалпына келтіру кезінде де Қытай делдал болғаны белгілі.
Ресей болса, санкция қысымын айналып өту үшін Азия бағытында серіктестер іздеуде. Мәскеу Батыстың оқшаулауына қарсы "контрбаланс" жасауда.
Қытай мен Ресейдің бұл одағы АҚШ бастаған Батыс әлеміне балама геосаяси блок қалыптастырып отыр.

Бұл үрдіс – көпполярлы әлемнің айқын белгісі. Бірақ Қытай мен Ресейдің стратегиялық мүдделері толық сәйкес келе ме? Сарапшылардың пікірі екіге бөлінеді. Қытай – экономикалық гегемонияға ұмтылса, Ресей – әскери-саяси рөлін сақтағысы келеді. Алайда ортақ жау – Батыстың санкциясы – оларды уақытша бірлестіріп отыр.

Қытай мен Ресейдің дипломатиялық белсенділігі әлемдік тәртіпті өзгертуде. Бірақ бұл одақтың беріктігі уақытпен сыналады.

The Qazaq Times