Фото: BBC.com

Түркия президенті Реджеп Тайып Ердоған мамырдың 3-і күні Ресейге іс сапармен келеді деп хабарлайды РИА Новости Түркия президентінің баспасөз қызметіне сілтеме жасап.

Осыған байланысты РФ президенті Владимир Путиннің баспасөз хатшысы  Дмитрий Песков «екі ел басшылары 3-і мамырда Сочида Сүрия мәселесі бойынша келіссөздер өткізеді» деп мәлімдеді.

Бұның алдында Ердоған мен Путин Сүрия билігінің бейбіт тұрғындарға химиялық қару қолданғаны жайында телефон арқылы сөйлескен болатын. Ал Италияда өткен G7 бас қосуында Түркия,  Башар Асад билігін қолдамайтынын айтқан еді.

"The Qazaq Times"