Фото: ZN.ua

Грузия биыл Ресейдің «Газпромынан» газ сатып алудан бас тартып, оның орынына Әзербайжанның «Сокар» компаниясымен келісім шартқа отырған.

Бұл жайында Грузияның энергетика министрі  Каха Каладзе Грузия БАҚ өкілдеріне берген сұхбатында мәлімдеген.

Бұған дейін Грузия өз аумағынан  Арменияға Ресейдің газ құбыры өткені үшін "Газпром" газының 10 пайызын алатын болған. Енді 2018 жылдан бастап  Тблиси бұл келісімді бұзып, Ресейден газ орынына қаржылай төлем алуға  келіскен.

Грузия энергетика министрлігінің болжамы бойынша биыл Ресей көгілдір отыны Грузия тұтынатын  газдың 4 пайызын ғана құрайды екен. Ал қалған 96 пайыз көгілдір отынмен Грузия халқын  Әзербайжанның «Сокар» компаниясы қамтамасыз ететін көрінеді.

Естеріңізге салайық 2008 жылы Ресей Грузиядан Оңтүстік Осетия мен Абхазияны тартып алғанан кейін, Тблиси мен Мәскеу арасындағы қарым-қатынас бұзылған болатын.

“The Qazaq Times”