Наубайханадағы нан өндірісі. Көрнекі сурет. Фото: voxpopuli.kz

Биыл нан, ұн және макрон өнімдерін өндіру 11,2%-ға қысқарған.

EnergyProm талдау басылымының зерттеуінше, жаңа пісірілген нан өндірісі 21,3%-ға, яғни 266,6 мың тоннаға дейін кеміген. Осыған ұқсас макарон, лапша сияқты өнімдер 17,9%-дық көрсеткіште 75,6 мың тоннаға азайған.

Тәтті бәліштер мен кондитерлік өнімдер былтырғы осы кезеңге қарағанда 17,7%-ға кем  шығарылған, алғашқы жартыжылдықта небәрі 13,9 мың тонна көлемде жасалған.

Печенье мен кепкен нан өнімдері елеусіз мөлшерде өскені байқалған.

Нан-тоқаш, макарон өнімдері мен ұннан жасалған кондитерлік өнімдерді өндіру көлемі биылғы бірінші жартыжылдықта айтарлықтай кеміп, жалпы салалық бюджеті 111 млрд теңге көлемінде болған.

Сондай-ақ, нан бағасы бір жыл ішінде бірден 5,9%-ға өсті. Қара бидай наны 9,2% қымбаттады. Макарон өнімдерінің бағасы 10,3%-ке көтерілді, оның ішінде кеспе өнімдерінің бағасы 11,6% өсті. Нан-тоқаш және ұннан жасалған кондитерлік өнімдер 8,2% қымбаттаған.

"The Qazaq Times"