Ауғанстан үкіметі мен «Талибан» Катар астанасы Дохада кезекті мәрте бас қосты. Бірақ тараптар ортақ келісімге келе алмады.

Кездесуде қандай мәселелер талқыланғаны әлі белгісіз. Дегенмен тараптар екі күннен кейін қайта кездесу ұйымдастырмақ.

Ауғанстанда АҚШ пен оның одақтастары әскерін шығаратыны туралы мәлімдеген соң тәліптер бас көтеріп, үкіметке шабуылы күшейді. Біріккен ұлттар ұйымының хабарлауынша, қарулы топтар елдің көп бөлігін бақылауына алған. Салдарынан тәліптердің зорлық зомбылығынан қорқып баспаналарын тастап қашқан тұрғындар саны көбейген.

8 шілдеде «Талибан» қозғалысының өкілдері Мәскеуде өткізген баспасөз мәслихаты кезінде Ауғанстанның 85% аумағын бақылауға алдық деп мәлімдеген. Бұл делегация ауған-тәжік шекарасына шабуыл жасамаймыз деп уәде берген.

Сарапшылар әскери қимылдардан 3 жарым миллионнан аса адам босқынға айналғанын айтады.

"The Qazaq Times"