Бүгін әлемде COVID-19 құрбандарының жалпы саны 1 миллионнан асты. Reuters агенттігінің дерегінше, пандемия әлемдік экономиканы дағдарысқа ұшыратып, денсаулық сақтау жүйесін бұзған және адамдардың өмір сүру салтын өзгерткен ауыр кезең.

Осы жылы өлім-жітім мөлшері әдеттегі орташа есеппен салыстырғанда алде қайда көп, оған басты себеп коронавирус екені белгілі. Кейінгі бірнеше аптада көптеген елде коронавирус инфекциясы күрт көбейгендіктен, өлім-жітім көрсеткіші де өскен.

БҰҰ Бас хатшысы Антонио Гутерриш: «Біздің әлем азап шегетін кезеңге тап болды» - деді

COVID-19 құрбандарының қатары үш айда тағы жарты миллионға артты. Бұл коронавирус індетінің қауіпі мен зардабының қаншалықты ауыр екенін көрсетеді.

Осы айдағы Reuters агенттігінің статистикасына сайкес, (жерлеу рәсімдері мен зираттар) орта есеппен әр тәулік сайын әлемде 5400-ден астам адам қайтыс болып жатыр. Бұл сағатына 226 адамға немесе 16 секунд сайын бір адамға тең. Салыстырмалы түрде 90 минут футбол матчын тамашалау уақытында 340 адам көз жұмады.

"The Qazaq Times"