Фото: ашық дереккөз

Президент Қасым-Жомарт Тоқаев пен Сооронбай Жээнбеков телефон арқылы сөйлесті.

Ресми Ақорданың хабарлауынша, екі ел басшылары коронавирус пандемиясына қарсы күресте атқарылатын іс-әрекеттерді талқылаған. Сонымен қатар тараптар Қазақстан мен Қырғызстан арасындағы сауда-экономикалық байланыстарды сөз етті.

Жээнбеков Тоқаевтың президент қызметіне кіріскеніне бір жыл толуымен құттықтаған.

Айта кетейік, коронавирус дерті әлемнің 136 елінде тіркелген. Қазақстанда аталған дертке шалдыққандар саны 44-ке жеткен. Ал Қырғызстанда 3 адамнан COVID-19 анықталды.

"The Qazaq Times"