Кәсіби боксқа қайта оралған Қанат Чемпион жеңіске жетті. Алматы. Фото: qsport.kz

Бүгін Алматы қаласындағы Балуан Шолақ атындағы спорт сарайында өткен кәсіби бокс бәсекесінде Қанат Ислаv кезекті жеңісіне жетіп, чемпиондық белбеуін қорғап қалды.  

Кештің басты жекпе-жегінде қазақстандық боксшы Қанат Ислам намбиялық қарсыласы Уолтер Каутондокваны жеңді. Қазақстандықтар асыға күткен жекпе-жек 10 раундқа созылды. Төрешілердің бірауыздан шыққан шешімімен Қанат Ислам WBO халықаралық чемпиондық белбеуін қорғап қалды. Төрешілер Асанов 97/92, Ешмағамбетов 97/92, Шалабаев 99/92 ұпай берді. Қанат Исламға чемпиондық белбеуді Алматы қаласының әкімі Бақытжан Сағынтаевтың өзі тапсырды. Аталған кештің андеркартында жартылай жеңіл салмақта өзбекстандық Бексұлтан Раушанов пен румыниялық Александр Ионита, бірінші жартылай орташа салмақта Дәулет Дәукенов пен молдовалық Иван Петров, супер ауыр салмақта Нұрсұлтан Аманжолов пен польшалық Михаил Банбула, бірінші жартылай орташа салмақта Асқар Ерубен пен украиналық Владислав Баранов жұдырықтасты.

"The Qazaq Times"