Қырғыстан президенті А. Атамбаев пен Ресей президенті В. Путин

Қырғызстан президенті Алмазбек Атамбаев пен қырғыз қарулы күштер Бас штабының  төрағасы Райымберді Дуйшенбиев елдің  әскери әлеуетін жақсарту мақсатында, серіктес елдермен байланыс орнату мәселесін талқылады деп хабарлайды президент баспасөз орталығының  өкілдері. 

 Баспасөз бөлімі: "Алмазбек Атамбаев пен қарулы күштер Бас штабының  төрағасы  Райымберді Дуйшенбиев елдің  әскери-техникалық базасын  жақсарту мақсатында  шетелдік серіктестермен бірлесе жұмыс жасау туралы жоспарларын талқылады" - деп, мәлімдеді.

Дуйшенбиев президенттің  заманауи талаптарға сәйкес әскери құрылымдарды жасақтау туралы тапсырмасы мен басқару органдарын іске қосу, бөлімшелердің  жедел әскери дайындығын жақсартып,  қажетті техникамен толық қамтамасыз ету және әскери қызметкерлердің әлеуметтік жағыдайына көңіл бөлу секілді мәселелерді де жүзеге асырып жатқандығы туралы есеп берді.

Сейсенбідегі Ресей Федерациясының  президенті Владимир Путиннің Қызғызстанға ресми сапарында, әскери-техникалық серіктестік жайлы келіссөздер жүргізілген  болатын. Кездесу соңында Атамбаев журналистерге "әскерді күшейту мен  соған қажетті техниканы  Ресейден алдыру" туралы мәселелерді қарастырғандықттарын жеткізді.

“The Qazaq Times”