Фото: media.ws

Еуропалық Одақ Иранмен арадағы ядролық келісімді бұзбайтын болды.

Брюссельде өткен экономика және қаржы мәселесі бойынша ЕО кеңесінде ядролық келісімге қатысты тақырыптар жан-жақты талқыланған. Осы ретте Еурокомиссияның ресми өкілі Маргаритис Схинас: «Атом энергиясы бойынша халықаралық агенттік – МАГАТЭ 12 мәрте дәлелдегендей, Иран ядролық келісімнің міндеттемелерін бұзбайынша, біз де оларды бұлжытпай орындайтын боламыз. Еуропалық Одақтың және әлемдік серіктестердің мақсаты айқын», – деді.

Жиын барысында жақын арада аталған келісімге ешқандай өзгерістер мен жаңартулардың енгізілмейтіні және келісімге қатысты ортақ мәмілелер жасалынатыны айтылды. Еуропалық Одақ елдері халықаралық серіктестерімен бірге осы салаға байланысты жоспарларды бірге жүзеге асырмақ.

"The Qazaq Times"