Ресей Ил-20 үшін Израильге сес көрсетті

Ресей Федерациясының Қорғаныс министрлігі кеше кешке ресейлік Ил-20 ұшағының атып түсірілуіне байланысты Израильге «тиісті жауап беретінін» мәлімдеді. Бұл туралы РФ Қорғаныс министрлігінің ресми өкілі Игорь Конашенков мәлімдеген.

Ол израильдік авиация басқармасы мен F-16 ұшқыштары ресейлік Ил-20 ұшағын көрмей қалуы мүмкін емес екенін айтты. «Израиль тарапы бұл апатты қасақана істеді», - деген ол. Бұдан бұрын, Сүрияда бортында 24 әскери қызметкері бар ресейлік Ил-20 ұшағының атып түсірілгені туралы жазған едік. Ресейлік қорғаныс ведомоствасы ұшақ франциялық кемеден зымырандар жіберіліп жатқанда, Хмеймим базасына қайтарда радардан шығып кеткенін айтқан болатын. Ресей Қорғаныс министрлігі «ресейлік ұшақтың апатына Израильдің F-16 жойғыштарының қатысы екеніне сенімді. Ал, израильдік дипломаттар РФ-ның тарапынан өздеріне тағылған айыптауды жоққа шығаруда.

“The Qazaq Times”