"Қазақстан" республикалық теле-радио корпорациясына қарасты төртінші телеарна Tamasha TV  іске қосылып, Есен Елеукен  ойын-сауықтық  телеарнаның  директоры болып тағайындалды.

2018 жылдың 1 қыркүйегінен бастап ойын-сауықтық Tamasha TV телеарнасы эфирге жол тартады. Жаңа телеарна OTAU TV және iDTV пакеттерінде HD форматында қолжетімді болады. Сонымен қатар алдағы уақытта басқа да кабельдік операторларда SD форматта таратылады.

“Әзіл әлемі”, “Жайдарман”, “Хаха-шоу”, “Әзіл man”, “Көңілді тапқырлар алаңы”, “Қызық екен” бағдарламаларын, комедиялық телехикаялар және тағы басқа қызық жобаларды  ұсынады. Сонымен бірге ол телерадиокорпорация мұрағатында жылдар бойы сақталған, кезінде көрерменнің көңілінен шыққан танымал ойын-сауық бағдарламалары эфирге оралады.

Tamasha TV телеарнасының орташа тәуліктік хабар тарату уақыты – 22 сағат.

Есен Елеукен  Қазақстан КВН одағының төрағасы, “Жігер.Абырой.Сана” қоғамдық қорының жетекшісі.

“The Qazaq Times”